Posts
निबर्तमान 
अध्यक्षको सन्देश
अध्यक्षको सन्देशटंक फोम्बो
अध्यक्ष
लिम्बू बिद्यार्थी मञ्च सम्पुर्ण लिम्बू बिद्यार्थीहरुको साझा, गौरबशाली र शक्तिशाली जातिय बिद्यार्थी संगठन हो । खास गरिकन लिम्बू बिद्यार्थीहरुको हकहित स्थापित गर्नका निम्ति २०५५ साल चैत्र ६ गते स्थापना भई हाल सम्ममा १ क्षेत्रिय कार्य समिति, १५ वटा जिल्ला कार्य समिति र १५० वटा भन्दा बढी उच्च मा. बि. र क्याम्पस शाखा समितिहरु क्रियाशिल छन । यसको साथै लिम्बू भाषा, धर्म, संस्कृतिको संरक्षण गर्नका साथै आफनो पहिचान स्थापित गर्नका लागि लिम्बुवान स्वायत्त राज्यको प्राप्ती मञ्चले अपरिहार्य ठानेको छ । बिद्यार्थी संगठनको हैसियतले शैक्षिक पुनःसंरचना गरी बहुभाषिक शिक्षा निति अबलम्बन गरिनु पर्दछ भन्ने मुद्घा लाई आत्मसात गर्दै मञ्च क्रियाशिल छ । त्यो लिम्बुवानको शिक्षा, बिकास, संस्कृति, अस्तित्व र पहिचानहरुको दिगो बिकास लिम्बुवान स्वायत्त राज्यको स्थापना पछि मात्र हामिले सम्भब देखेका छौ । र त्यो लिम्बुवान पनि बिशिष्ट जातिय ऐतिहासिक पृष्टभुमिको आधारमा अरुण पूर्वका नौवटा हालका जिल्लाहरु एक इन्च पनि तलमाथि नगरि हुनुपर्दछ । त्यो लिम्बुवानको ब्याबस्थापन र संञ्चालनार्थ लिम्बुवानी एकता र जातिय सदभाबको आवश्यकता चाहिन्छ त्यो लिम्बू बिद्यार्थी मञ्चले पहल गरिरहेको छ । लिम्बुवान नेपालमा भर्खरै भएको जनआन्दोलनले ल्याएको परिणाम होईन, यो त ऐतिहासिक बिरासत र जातिय बिशिष्टता बोकेको भुमी हो । बिना कुनै प्रमाण र आधार हामिले कसैंसँग भिख पनि मागेको होईन । लिम्बुवानले बिखण्डन ल्याउँछ भनेर प्रचारबाजि गर्ने मित्रहरुलाई गतिलो बैचारिक झापटको लागि हामिसँग यथेष्ट आधार र प्रमाणहरु छन । संघीय लोकतान्त्रिक गणतन्त्र नेपाललाई संस्थागत गरेर आत्मनिर्णयको अधिकार सहितको लिम्वुवान स्वायत्त राज्य प्राप्त गर्नु हाम्रो मुलबाटो हो । यसका खातिर संवैधानिक ग्यारेण्टी गराउँन, संबीधानसभा राज्यको पुनःसंरचना तथा शक्तिको बाँडफाड समितिमा हाम्रो मुद्धा समेटन, अर्ढाईसय वर्षम्म सुषुप्त राखिएको हाम्रो आवाजलाई बुलन्द बनाउँन, जस्ता मुद्धाहरूलाई उचाईमा पु-याउँन आजको हाम्रो प्रमुख मुद्धा बनेको छ । यदि ३३२ वर्षसम्म स्वायत्त गणराज्यको रूपमा स्थापित लिम्वुवान स्वायत्त राज्यलाई संबीधानसभा मार्फत सम्वोधन राज्यले गर्दैन भने हामी शशक्त आन्दोलनमा उत्रने चेतावनी दिन्छौँ । त्यति मात्र नभएर अब लेखिने संविधानमा हाम्रो अधिकार/चाहनालाई समेटिएन भने फेरी अर्को युद्ध हुनेछ र त्यो युद्ध निश्चय नै जातिय युद्ध हुनेछ र त्यसले कसैको भलो गर्दैन । नेपालमा धेरै बिविधता मध्ये जातिय बिविधता एक महत्वपुर्ण पाटो हो । यसलाई नेपालले समेटन सक्यो भने त्यो उसको सम्पत्ति हुनेछ । तर यसलाई समयमै सहि तरिकाले सदुपयोग गरेर समेटेन भने दिगो दन्द्ध हुन्छ । त्यसैले नेपालले दिगो बिकास र शान्ती चाहाने हो कि - कि दिगो दन्द्ध - हामी त शान्तिपूर्ण वातावरणमा विश्वास गछौँ र हाम्रो अटल विश्वासमा राज्यले घात गर्ने, दमन गर्ने नीति लिने अवस्थामा आफ्नो हक अधिकार बहाली गर्न जस्तोसुकै अप्रीय निर्णय लिन पनि पछि पर्ने छैनौँ । त्यसको साथै नेपालमा बृहत शान्ति प्रक्रियालाई तार्किक निष्कर्षा पु-याउँनु, निर्धारित समय बि.स.२०६७ साल ज्येष्ट १४ गते भित्र राम्रो र हाम्रो स्वामित्व र अपनत्व कायम हुने नयाँ संबिधान जारि गराउँनु, एनेकपा माओबादि को क्यान्टोनमेन्टमा रहेका जनमुक्ति सेनाहरुलाई समायोजन गराउँनु जस्ता महत्वपुर्ण मुद्धाहरु माथि हाम्रो ध्यान जान जरुरी छ । यसका खातिर दबाब स्वरुप मञ्चले बिभिन्न कार्यक्रमहरु गर्दै आईरहेको छ । नेपालको राजनैतिक अस्थीरता, शैक्षिक अस्थीरता र असुरक्षाको कारण धेरै युवाहरु आफ्नो उज्वल भविश्यको लागि बिदेश पलायन हुदैंछन । नेपालको शिक्षा प्रणाली २१ औं शताब्दी सुहाउँदो बैज्ञानिक, ब्यबाहारिक र सीपमुलक नहुनु पनि अर्को महत्वपुर्ण कारण हो । नेपालमा विद्यमान गरीबी, बेरोजगार, लोडसेडीङ र सामाजिक अपराधहरु जस्तैः हत्या, हिंसा, अपहरण आदि दिनानुदिन बढ्दै जानाले पनि युवाहरु आफ्नो सुरक्षित भबिश्यको लागि बिदेशिन बाध्य छन । अब २० बर्षपछिको सुन्दर नेपालको कल्पना गर्ने हो भने ति भबिश्यका संम्भावित कर्णधार युवाहरुलाई स्वदेश मै रमाउँने दिगो बिकासको वाताबरण सृजना गर्नुपर्दछ । त्यसैले सम्पूर्ण लिम्बू बिद्यार्थी हरुलाई आफ्नो अधिकार र पहिचान स्थापित गर्न सचेत पार्नका लागि मञ्च क्रियाशिल छ ।
